کریمـی مراغه‌ای درون حال حاضر (۱۳۸۵) درون شـهر مراغه بـه زندگی و خلق آثار ادامـه مـی دهد. کریمـی مراغه‌ای درون کنار اینکه طنز پرداز بزرگی هست از عاشقان اهل بیت بوده و کتابهای نوحه‌ی او کـه از کتابهای طنز او بیشتر است، سالهاست درون دیـار آذربایجان صفا بخش عزاداریـهای مردم بوده است. مجموعه های طنز او درون شش جلد وبا عنوان "رنگارنگ" چاپ شده است.
کریمـی مراغه ای و ان گؤزل بیر شعر
چاغداش آذربایجان شعر و ادبیـات وورغونلارینا «کریمـی مراغه ای» أن تانینمـیش سیمالردن دیر. اونون6 جیلدلیک «رنگارنگ» آدلی کیتابلاری طنز بیر روح داشی یـاراق، عامـییـانـه ایصطیلاح لارلا دولو اولماقلا، اینجه و درین معنالی تعبیرلرین حیکمت لی قایناقی دیر. او سئویملی شعرلری له اجتماع دا اولان یـانلیش اینانج لاری تنقید آتشینـه توتور و خورافات چمبرینده سیخیلان ائل اوبانی آجی لار ایچینده گؤردوکده، اوره گه یـاتان شعرلر ایله اونلاری گولدوره‌ر‌ک آییلتماغا و دوشونمـه‌گه چاغیریر. اؤزو دئمـیشکن:
«شاعیرم شام و سحر فیکر ائدیره م سؤریـازیرام / آجیغین گلسه ده یـا گلمـه سه ده دوز یـازیرام»
کریمـی مراغه ای شاهلیق اوصول ایداره سی دئورینده، اؤزل لیک له1325 ـ نجی ایل دن سونراکی هر نـه تورکجه کیتاب وار ایدی بوتون آذربایجان شـهرلرینده اونلاردان تونقال لار قالاییب مئیدان لاردا اودا چکدیلر و تورکجه اثر یـازیب یـارادماق بؤیوک بیر سوچ و جورم حئسابلاندی، ائله یـه بیلدی1338 ـ نجی ایل ده ون یئددی قات حاصارلارینی باجاریقلا آشیب جانینی خطره سالماق لا، "رنگارنگ" کیتابی‌نین بیرینجی جیلدینی گئنیش اؤلچوده نشر ائدیب یـایماقلا، خلقین بؤیوک ایستیقبالینی قازانسین. اونون شؤهرتی ایران مرزلرینی آشاراق چوخلی تورک دیللی اؤلکه لرده ایسه، شعرلری دیل ازبری اولوب لرده نقش اولدو.
اونون شعرلری تمثیل دن فایدالاناراق بوتون خلقی آراسیندا چوخ دانیشیلان سوژه لردن دولو ایدی و بو اوزدن ده حیکایـه کیمـی نقل اولارکن، «تازه گلین لر»، «گونولر»،«قاینانالار»، «لبه دارلی فحله لر»، «فالچی لار»، «أر آروادلار»، «دامادلار»، «مشاطه لر» و حتتا «خوروزلار« و «پیلوولار» دیله گلیب اؤز احوالات لاریندان دانیشیرلار. اؤزل لیک له بو بیت لرله باشلانان شعرلری خلق دیلیندن ائشیدی‌لرکن اجتماعی رابطه لرده بو شعرلری شاهید چکیردیلر:
نـه اولار سوسپه سن بو دل سوزانـه پیلوو
ائده سن بیرجه توجه منِ نالانـه پیلوو
@@@
من سیز بو مراغه منـه زینداندی ماتان مـیز
ای هر باخیشیندا جان آلیب عشوه ساتان قیز
@@@
فالچی قارداش قاپی دا دورما بویور گل ایچری
باجی وین بیر ایکی ساعت سنـه واردی دردسری
@@@
او زمانیکه جیبیمده دوهزایم وارایدی
هامـی مجلیس ده منیم عزّ و وقاریم وارایدی
@@@
اوغلانلار ایچینده بَرَکاللاه بیزیم اوغلان
بیر دسته قیزیل گولدی ماشاللاه بیزیم اوغلان
@@@
قوی سنـه بیر سؤز دئییم آی مش جمال
قورخورام آمما سالاسان قیل و قال
@@@
منـه بیر نازلی قیز آل عیصمـه تی نئیلیرسن آتا
بیر قیز آلماقدا بو قَدَر دیققه تی نئیلیرسن آتا
کریمـی مراغه ای نین رحمتلی آتاسی ایسه آدلیم شاعیرلردن ایدی کی« ذاکر مراغه» آدیله شعرلری چاپ اولاراق حتتا1324 نجی ایل ده «آنادیل» آدلی درس لیک کیتابلاری کی آذربایجان مدرسه لرینده رسمـی حالدا اوخونوردی، اونون یـارادیجیلیقین دان سؤز آچمـیشدی.
"رنگارنگ" کیتابی نین بیرینجی جیلدی چاپ اولدوقدا، من یئنی جه دوغولموش بیر ببه‌ک ایدیم کی دیل آچیب دانیشاندان و آیـاق توتوب کوچه باجایـا چیخدیقیم ایللردن سورا، رحمتلی آنام بیله‌مـه بیر پارا مزاح لی و شوخلوق جیل شعرلر اوخویـاردی‌کی سونرالار بیلدیم او شعرلر حاج مـیرزا حسین کریمـی مراغه ای نین شعرلری دیر. آنجاق «رنگارنگ» کیتابینی9 یـاشیندا گؤروب ورق وورسام دا، اونون یـازی لاریندان هئچ بیرزاد آنلامادیم. فارسجانی آز ـ چوخ اوخویوب یـازسام دا تورکجه دن، هئچ نـه آنلامـیردیم. آنادیلده دانیش سام دا او دیل ده یـازیب اوخوماق دان عاجیز ایدیم. که تا کی بو کیتابی آنامـین یـاردیمـی له کلمـه ـ کلمـه هوججولرکن اوخوماغا باشلادیم.
******
ساقلئ قئمدا منی یـاد ائت اخوی
من اولندن سورا جئرما یَخَوی
ساقلئ قئمدا منی دیندیر دیلیلن
گلمـه ترحیمـیمـه تاج و گولیلن
ساقلئ قئمدا الیوی چک باشیما
یـاخما بورنون زئلئغن باش داشیما
تا وارام اوزمـه الیمدن، الیوی
نـه قرا گیر؛ نـه اوزاد سقلووی
قوی یـانیئم من سنـه سنده منـه یـان
سن منـه جان دی؛ دیگیم من سنـه جان
سالالما قبریمـه شالوار؛ باقووئ
دایـاما بوگرومـه س..؛ دا… وئ
دیلیم اولسیدئ بوزاردئم تاقووی
الیم اولسیدئردیم آقووئ
ساقلئ قئمدا قولووی بوگنوما سال
گاهی گاهی بوسولان گونلومـی آل
هئش گلیب قبریمـه یـاد ایتمـه منی
باشیما چالما غلط فاتیحه نی
قالاما شمعیله سونقار گو… مـه
اولموشم؛ یـاخمامئشام بال گو..مـه
کاش گورکان قویـا قبریمـه دلیک
منیله دفن اولا بیر جانلی چلیک
او آداملار کی گلیر فاتیحیـه
ساقلئقئمدا منـه چیخمازدئ ییگه
اوزادئدیم کفن آتدان چلیگی
زور وئریدیم گنلردی دلیگی
بابا ساقلئ قئدا منیم گول اؤزؤمـه
مشتری اول سوزؤمـه هم اوزؤمـه
منی تشویق ائله طلعت لریله
گونلومـی شاد ائله دعوت لرله
نـه یـالاندان چپی، قه قه لریله
مرسی، احسن، یـاشا، بـه به لریله
ائل گرک قیمت اشعاری بیله
نیـه ایراندا گورک شاعیر اوله
صنعت شعری چکیلر فیسادا
دوشدی بازاری فیصاحت کاسادا
بیر غزل کی گلیر عشقیله باشا
کیم آلئر غزلی بیرده باشا
سعدی، حافیظ، بابا طاهر، خیـام
سحرین ائتدی ناهار، ناهارسئز اخشاما
کیمدی گیگدی اگنینـه قیمتدی قبا
سالمادئ چیگنینـه بیر تازه عبا
شـهریـارین ادی دیللرده گزیر
تازه حیدر بابا اللرده گزیر
بیر کیچیک ائوده گونون وئردی باشا
قالدئ بیر مانقالئ بیر حوقا ماشا
ای خدا وئر بیزه عقل و شعور
شاعری ائلمـیک زینده بـه گور
******
عاشیقم عاشیقم ای دلبر اعیـان سنـه
ور مـی شم طاقتیمـی صبریمـی ای یـار سنـه
سو ورم بزم اولا خلوت قویـاسان من الی یم
غمـی مـی محنتیمـی دردیمـی اظهار سنـه
گزرم کوچه و بازاری دالین جان سوخارام
پیچاغی قارنینا هر اده آزار سنـه
نی یـه وه وه دیی سن اینجیدیری قوی چخادیم
سخسا باشماغ ایـاقون اولسا اگر دار سنـه
گل اوتی دیم مـه دانشما نجه توتسان گچه جک
دمـه خاطیر قویـاجاخ چرخ جفاکار سنـه
گل اوتی قو زا قچن گیی دیریم ای یـار عزیز
قره دون آبی بلوز قرمزی شلوار سنـه
زشت و زیبا
وئرمـیشم طاقت و آرامـیمـی ای یـار سنـه***عاشقم عاشقم ای دلبر عیـار سنـه
سوه رم بزم اولا خلوت قویـاسان من ائلیم***دردیمـی محنتیمـی غصه مـی اظهار سنـه
گزه رم کوچه و دربندی دالونجا سوخارام***پیچاقی قارنینا هر ائده آزار سنـه
ایستی وقتینده سویونسان سالارام تئز ایچینـه***کاسه نین بوز وئره رم شربت گلنار سنـه
گل اوتور قوزا قیچون گییدیریم ای یـار سنـه***هرنـه سویسن جوراب و چکمـه و شلوار سنـه
نیـه آوجوندا سیخورسان ازیسن سیندیریسان***نیلیوب آخ بو یـازیق قلب وفادار سنـه
سن یخیل بالش ناز اوسته اوزان منده چالیم***ضرب و قارمان و کمانچه، ویلن، تار سنـه
اگمـه شاخ ساخلا یـانوندا باخوب اوپ قوی گوزیوه***بو گوزل عکسی که مندن قالور آثار سنـه
دوگمـه سین آچ آرالا ساخلا قویوم اورتاسینا***آلمـیشام ساک دولوسی،حیوا،لیمو،نار سنـه
عیبی یوخ اینجیمـه ویش ویش دئمـه قوی تئز چیخادوم***سیخسا باشماق ایـاقون اولسا اگر دار سنـه
دوز بیر آز بندین آچوم تا وئریم الآن الیوه***چتریوی وئرمـیه زحمت بو یـاغیش قار سنـه
گله سن باغدا وئرم بیر الیوه اویناداسان***قرمزی آلما ، شمامـه ، گل بی خار سنـه
ال ایـاق چالما چالیشما نئجه دوتسان گئچه جاق***دئمـه خاطر قویـاجاق چرخ جفاکار سنـه
احتراماً دایـارام آغزیوا سنده سوراسان***سولی قلیـانی کریمـی دییر اشعار سنـه
چهارشنبه سوری
قیش چیخدی گزیر کوچه نی بو تازه جوانلار***یوخ یوخ نـه جاوان درس تمدن اوخویـانلار
چون مدرسه قورتولدی چیخوب ائیله تماشا
چارراه خیـاباندا دوشوب گؤر نئجه غوغا
قیزلار کی چیخور مدرسه دن خیلی دل آرا
نازیله گئدیر منزله گویـا کـه مارالدی***بیردن گوروسن آتدیلار بمب رنگی سارالدی
بو بوینی یوغون قانمور اوشاقدور چوخی قورخار
یـا حملی وار آرواددی جانیم زحمتی آرتار
یـا تریکی دور نعشـه قاچار معرکه قالخار
ظاهرده موحصلدی اوزی اهل کمالدی***لیکن کافی تشبیـهدی لاب مالدی کـه مالدی
چارشنبه سوریده اولوبدور بئله مرسوم
بو رسملری واجب ائدوبدور ننـه کلثوم
تصدیق ایلیوب چوخلارینی زینب پاشا مرحوم
بیر ساعت اوتور دقتیله ائیله تماشا***بیر بیر او یـازان رسملری ائیلیوم انشاء
اولسون شب چارشنبه گرکدور هامـی دلشاد
چیخسونلار داما قیز گلین اوغلان کیشی آرواد
هر دامدا گرگ اود یـانا اولموش بئله ایجاد
قیزلار اونون اوستوندن او ساعتده آتیلسون***اما آتیلاندا دییـه جاق بختیم آچیلسون
دامدان ائیله کی اندیلر قورتولدی تماشا
بیر مجمعه خوش شب چره ائیلر مـهیـا
خورما یمش ایگده سوجوق و فخری و حلوا
بیر عده خانیم قلبیده بیر نیت ایده لر*** گیزلینجه قولاق آسماقا جدیت ایده لر
شال ساللاماقا بعضی ایدر شوقیله رغبت
باغلاللار انون شالینـه هر شیدن اوساعت
خوش یمن اولار گر دولما پیشیرسه شاما آرواد
شامدان صورا بیر آز بادام اویناللا یـاتاللار***آرواد کیشی هر تک تکی مقصوده چاتاللار
سفرنامـه
ساقلئقئمدا منی یـاد ائت اخوی*** من اولندن سورا جئرما یَخَوی
ساقلئقئمدا منی دیندیر دیلیلن*** گلمـه ترحیمـیمـه تاج و گولیلن
ساقلئقئمدا الیوی چک باشیما*** یـاخما بورنون زئلئغن باش داشیما
تا وارام اوزمـه الیمدن، الیوی*** نـه قرا گیر؛ نـه اوزاد سقلووی
قوی یـانیئم من سنـه سنده منـه یـان*** سن منـه جان دی؛ دیگیم من سنـه جان
سالالما قبریمـه شالوار؛ باقووئ*** دایـاما بوگرومـه س..؛ دا… وئ
دیلیم اولسیدئ بوزاردئم تاقووی*** الیم اولسیدئردیم آقووئ
ساقلئقئمدا قولووی بوگنوما سال*** گاهی گاهی بوسولان گونلومـی آل
هئش گلیب قبریمـه یـاد ایتمـه منی*** باشیما چالما غلط فاتیحه نی
قالاما شمعیله سونقار گو… مـه*** اولموشم؛ یـاخمامئشام بال گو..مـه
کاش گورکان قویـا قبریمـه دلیک*** منیله دفن اولا بیر جانلی چلیک
او آداملار کی گلیر فاتیحیـه *** ساقلئقئمدا منـه چیخمازدئ تیگه
اوزادئدیم کفن آتدان چلیگی*** زور وئریدیم گنلردی دلیگی
بابا ساقلئقئدا منیم گول اؤزؤمـه*** مشتری اول سوزؤمـه هم اوزؤمـه
منی تشویق ائله طلعت لریله*** گونلومـی شاد ائله دعوت لرله
نـه یـالاندان چپی، قه قه لریله*** مرسی، احسن، یـاشا، بـه به لریله
ائل گرک قیمت اشعاری بیله*** نیـه ایراندا گورک شاعیر اوله
صنعت شعری چکیلر فیسادا*** دوشدی بازاری فیصاحت کاسادا
بیر غزل کی گلیر عشقیله باشا*** کیم آلئر غزلی بیرده باشا
سعدی، حافیظ، بابا طاهر، خیـام*** سحرین ائتدی ناهار، ناهارسئز اخشاما
کیمدی گیگدی اگنینـه قیمتدی قبا*** سالمادئ چیگنینـه بیر تازه عبا
شـهریـارین ادی دیللرده گزیر*** تازه حیدر بابا اللرده گزیر
بیر کیچیک ائوده گونون وئردی باشا*** قالدئ بیر مانقالئ بیر حوقا ماشا
ای خدا وئر بیزه عقلیله شعور*** شاعری ائلمـیک زینده بـه گور
آنا دیلیم گوزلدی
دولوب محببتون ای شوخ و دلستان دیلیمـه*** آلیب قراریمـی الدن وئریب توان دیلیمـه
کمان قاشون، گؤزون، اوخ کیپریگون، ساچین گؤزه لیم *** آتیر کمند، چکیر یـای گئدیر نشان دیلیمـه
آلاولی مـین آهی وجودیمـی کول ائدر***اگر سو سپمسه بو چشم خونفشان دیلیمـه
یوخومدو چاره دایـاننام همـیشـه چم خمـیوه *** ولی باتیرمـیاسان طعنیله تیکان دیلیمـه
گتیر جمالیوی قوی سینمـه قادان جانیما *** سرین سرین نفسونله سو سپ یـانان دیلیمـه
نـه قدری گیزله دیرم درد عشقی مده *** دیلیمده جوشـه گلیر غم اولور روان دیلیمـه
مـی الستله مستم نـه آبدستله پست***کی دگمـه ییب الیمـه جام و استکان دیلیمـه
آنا دیلیم ائله شیریندی جاندان ایسته ملی***آچاندا من دیل آنام چوخ دئییبدی جان دیلیمـه
دیلیم شیریندی عسلدن اودور کی غم یئمـه رم***اگر وورا آریلار نیش هر زامان دیلیمـه
منم او ترک، کی آدیم غزللرین دوزودو*** من آذر اوغلویـام آذر وئریبدی جان دیلیمـه
منم او ترک، بخارئیله سمرقندی*** باغیشلاییبلا قرا خالیمـه ماتان دیلیمـه
منم او ترک، کی غربتده اللی ایل یـاشارام ***تجاوز ائیله مز اهواز و اصفهان دیلیمـه
منم او ترک، کی دالدان چیخاردارام دیلینی*** قاهاررام انگینی هر کیم دیسه یـامان دیلیمـه
منم او ترک، سوزوم جمله سوزلرین گوزیدو*** سوزوم اوزوم کیمـی دوز، باغلاما یـالان دیلیمـه
دیلین فضیلتی یوخدور ملاک تقوادی*** گئد اوز کمالیوه گول گولمـه ای فلان دیلیمـه
یقول اکرمکم عند ربّی اتقاکم*** قویوب پیمبر اکرم گوزل بیـان دیلیمـه
همـیشـه امر بـه معروف دور منیم هدفیم***اگر کومک لیق ائده حیّ لامکان دیلیمـه
منافقه دئیرم ال گوتور بو تفرقه دن *** گولوب محاسینیمـه یـازما داستان دیلیمـه
گلین وئره ک ال اله دشمنین قازاق کوکونو*** یئتیرمـه زهریلی عقرب کیمـی زیـان دیلیمـه
“کریمـی” ام دیلیمـی رایج زامان ائده رم ***توجّه ائتسه آقام صاحب الزّمان دیلیمـه
قارقا ینن بولبولون موکالیمسی
قارقا بیر گون ائدیردی گلشنی سئیر***گؤردو بیر بولبولو قفسده اسیر
اؤزونو هی وورور اویـان بویـانا***بلکه آزاده پر چالوب دولانا
بوشلییوب ایستراحتی چابالیر***ائشیگین عطرینی قفسدن آلیر
باخیر سیملرین آراسیندان***گلیر شوره ، دل یـاراسیندان
قارقا عرض ائتدی ای پرنده عشق***ای اولان شاه عشقه بنده عشق
ندی تقصیرون ای وفا کانی***سنی ارباب ائدوبدو زندانی
بو نظافت بو سس بو نوطقو بیـان***سنـه جانا ، روا دگول زیندان
دیدی بولبول کـه ای پرنده شوم***اََولیندن بئله اولوب مرسوم
قالا زینداندا عندلیب و هَزار***اولا آزاد کرو لشخوار
سن کی سرقتده اولموسان مشـهور***قارقاروندان جهانیـان منفور
چؤرگی دسمالیلا جازلورسان ***صابینی تاخجادان آلازلورسان
پنیری سفره دن ووروب قاچیسان***گردکان گورجگین قاپوپ اوچوسان
شانسووا چیخسا پاک یـا ناپاک***داراشیرسان ، کی سنده یوخ امساک
طینیتون پست و نییتون مـی شوم***مسلکون مذهبون دگول معلوم
سنی آزاد ائدوب بو چرخ دنی***قفس غمده ساخلیوب دی منی
دوتولان دیللره صفادی دیلیم***لیک اؤز باشیما بلادی دیلیم
گئجه گوندوز اسیر زندانم ***بودی جورموم کی خوش سخنرانم
هرکسین نوطقو وار فصاحتی وار ***قلم آتشینی قدرتی وار
گرک اولسون همـیشـه زیندانی ***چئخا زنداندا عاقیبت جانی
ای کریمـی ندور بو طول کلام ***مجلسی لنگه وورما ایله تمام
******
اوغلانلار ایچینده بارک الله بیزیم اوغلان
بیر دسته قزل گول دی ماشا الله بیزیم اوغلان
هچ صنعته علم و ادبه رغبتی یوخدور
بیر درّ گرانمایـه دی هیچ قیمتی یوخدور
پاکیزه بیر اوغلان دی فقط غیرتی یوخدور
جرئتده پشیک حیله ده روباه بیزیم اوغلان
اوغلانلار ایچینده بارک الله بیزیم اوغلان
مکتب ندی مذهب ندی مسلک ندی قانماز
وورّام دوگه رم هچ سوزیمـه ذرّه جه قالماز
بیر گون اوتوزار بیر گون اوتار هچ ایشیم اولماز
بیر اوددی دوشوب جانیمـه واه واه بیزیم اوغلان
اوغلانلار ایچینده بارک الله بیزیم اوغلان
هر دم گوره سن کـه یوزیمـه بیر قاضیلاندی
باش ویرمرم الدن سالارام تازه جواندی
بئینی دولی قاندی هله جاهلدی ناداندی
مـیخانیـه ده تازه تاپوپ راه بیزیم اوغلان
وردوقجا نصیحت گوره سن آغزنی اگدی
بیر سوز دیرم تز گوره سن قلبینـه دگدی
بیر پارچا تکبّر، دیسن بس قوری بگدی
افلاک کمالاته اولان ماه بیزیم اوغلان
هر دم دیرم آی بالا بسدور داخی ال چک
گل منله گیداخ مسجده یـا مکتبه گوچک
اوچ یـاندان آتاللار یوزیمـه بوللی توپورجک
گاهی آناسی گاه باجیسی گاه بیزیم اوغلان
هر بیر زادی تکمـیلدی اما پولی یوخدور
بیر دایچادی افسوس بلینده چولی یوخدور
بو مرثیـه مجلیسلرینـه هیچ یولی یوخدور
چوخ قورخورام آخر اولا گمراه بیزیم اوغلان
ایمدی نـه ادب وقتیدی بو تازه جوانین
بولمور هله کیفیّتنی یـاخشی یـامانین
نیلوم بابا وضعی بله دور ایمدی زمانین
اوغلانلارا نسبت گنـه والله بیزیم اوغلان
گر گلسه بو بایرام دوزه لر یرمـیه یـاشی
منله دولانوب ایمدیـه تک امر و معاشی
بیر جوت دو قلاسه بوغی بیر بوکسری باشی
باخ گور نجه اوغلاندی سن الله بیزیم اوغلان
باش قوشمارام اصلا ایله گلدی بله گیتدی
تای توشلارینان دوردی قوشولدی چوله گیتدی
مـیخانیـه گیتدی مثلا دندله گیتدی
عیبین دوشونر ایستسه الله بیزیم اوغلان
یومـیّه بونون جیره سیدور بش قوطی سیگار
هاردا قازانور هاردا چکور ایلمز اظهار
هاردا اوتورور هاردا دورور آخ نـه ایشیم وار
اما دادانوب تریـاکا گاه گاه بیزیم اوغلان
اوّلدن ایله خوشلامادی درس کتابی
بیلدی بو یـالان علملرین یوخدی ثوابی
ایمدی تاری حفظ ایلیـه جیب گیردی حسابی
هر حیله ده هر فنّده آگاه بیزیم اوغلان
آنجاق نگران قالما کریمـی کفی سازدی
بیر بیله کـه تعریف ایلدیم بیل گنـه آزدی
بیر خوش دانشان مرت ایلین مسخره بازدی
قاه قاه گنـه قاه قاه گنـه قاه قاه بیزیم اوغلان!
بیر دسته قزل گلدی ماشا الله بیزیم اوغلان
******
شیطان نامـه
خیر اولا شیطانی گوردوم گئجه
خلقدن ایلوردی شکایت منـه
گیچدوق اوتوردوق ایکیمـیز کافه ده
حالتینی ایتدی حکایت منـه
سویلدی شاعر سنـه وار خواهیشیم
چوخ عرفائیله اولوب گردیشیم
عفو ایله بیردفعه دوشوبدور ایشیم
من یـازیقام ایله حمایت منـه
آخ نیـه خلق ایلوری لعنت منـه
*******
آدمـی خلق ایتدی خدای کریم
ایلمدیم سجده من اولدوم رجیم
سوز اوزانیب ایندی اولوب بیر سیجیم
دائم ایدیر حمله بو ملت منـه
آخ نیـه خلق ایلوری لعنت منـه
*******
منکه بولاردان جانیم ال چکمـیشم
شیطنتین بوخچاسینی بوکموشم
بیرجه کیمـین بالدیزینی س...شم
بیر بله ایلولل ه اذیت منـه
آخ نیـه خلق ایلوری لعنت منـه
*******
رشوه نی مـین مـین قاهاروب خان یسین
نفع ربانی حاجی ترخان یسین
تهمتینی بس نیـه شیطان یسین
داغدان آغیر گلدی بو منت منـه
آخ نیـه خلق ایلوری لعنت منـه
*******
آدمـه من ایلمدیم سجده گر
واریدی صلبنده سنون تک بشر
ایندی اولوبدور هامـی بیر پارچا شر
قالدی یـالاندان بو اهانت منـه
آخ نیـه خلق ایلوری لعنت منـه
*******
اوستادی خلق ایندی تاپولماز ناشی
چیخمـیا که تا مکر و حیل دن باشی
هراولوبدور اوزی شیطان باشی
هیچ ایشـه ورمولل ه دخالت منـه
آخ نیـه خلق ایلوری لعنت منـه
*******
تابع نفس اولمـیسوز ای فکری خام
مـین جور اویوندان چیخیسوز صبح و شام
مفته منی متهم ایلور عوام
قویمامـیسوز ذره جه فرصت منـه
آخ نیـه خلق ایلوری لعنت منـه
*******
کبلایی آرتوق آلیر اسگیک ساتور
گونده ساری یـاغه نباتی قاتور
پیس پیس اوتانمور ایله قالخور یـاتور
لعن ایدیر از روی حماقت منـه
آخ نیـه خلق ایلوری لعنت منـه
*******
پیس بولوسوز گر منی ای زنجلب
آخ نـه دوشوبسوز دالیما داوطلب
سیز کی تانیر سیز منی یـا للعجب
بس نیـه ایلورسوز اطاعت منـه
آخ نیـه خلق ایلوری لعنت منـه
*******
من بابا پیغمبریدیم بیر زمان
طاعت ایدردی منـه جان ابن جان
رتبه مـی آرتیردی خدای جهان
ویردی اوز عرشینده سمنـه
آخ نیـه خلق ایلوری لعنت منـه
*******
گوی ده نـه اجالیله اهل سما
صف چکوب ایلردی منـه اقتدا
آخری بیر کلمـه نین اوسته خدا
ایلدی تنبیـه و سیـاست منـه
آخ نیـه خلق ایلوری لعنت منـه
*******
ایتدی تکبر منی خار و ذلیل
چیخدی الیمدن او گوزل سلسبیل
طولی چکوب سجده مـین اوغلوم مـین ایل
حق اوزی ورمـیشدی فضیلت منـه
آخ نیـه خلق ایلوری لعنت منـه
*******
سیز اله بد ذاتسوز ای بدخصال
آدمـی خلق ایتدی حق ذوالجلال
اولدی وجودی منـه وزر و وبال
اولدی اونون خلقتی نقمت منـه
آخ نیـه خلق ایلوری لعنت منـه
*******
سجده نی من ایلمدیم آدمـه
سیز ایدیسوز سجده بنی آدمـه
آدیوز اسلامدی با این همـه
سیز نـه بشر سوز گنـه رحمت منـه
آخ نیـه خلق ایلوری لعنت منـه
*******
سیز ده هله یوخدی او شان و مقام
خلقه انا الله دیورسوز ای عوام
تخت ریـاستدن اوتور صبح و شام
اللشوب ایلیرسوز عداوت منـه
آخ نیـه خلق ایلوری لعنت منـه
*******
لاپ گده بیر یول یمـیسوز غیرتی
عصمتی حیثیتی شخصیتی
بیر بیره قاتدوز کیشینی عورتی
د گسین اوغول سیزدکی غیرت منـه
آخ نیـه خلق ایلوری لعنت منـه
*******
هاردا دیدیم من بو خانیم قیزلارا
خوش بزنـه وسمـه چکه فر قویـا
مرثیـه لرده گتوره مـین ادا
بوشلادا بسدور بو لجاجت منـه
آخ نیـه خلق ایلوری لعنت منـه
*******
آخ نـه دوشوبسوز دالیما عمر و زید
ایستمرم من بابا سیز تک مرید
آی گده لاپ سیز منی ایتدوز یزید
سیزدن اوغول چیخمادی امت منـه
آخ نیـه خلق ایلوری لعنت منـه
*******
جامعه ده بللی دیور مسلکوز
مذهب اسلامده یوخ مدرکوز
یوز منی وطی ایلیسوز هر تک تکوز
ایتمـیسوز هر حیلده سبقت منـه
آخ نیـه خلق ایلوری لعنت منـه
*******
نفسیوه تنبیـه ایله اوغلوم بالا
من دیورم بانقانی آل قات بالا
دوش قاباغا هر نـه گلور قارمالا
باس اوروجی ایله شماتت منـه
آخ نیـه خلق ایلوری لعنت منـه
*******
من هاچان ایتدیم بو قدر انقلاب
هاردا قمار اوینادیم ایچدیم
مفتضح ایتدوز منی ای بی حجاب
وردوز عجب بوللی خسارت منـه
آخ نیـه خلق ایلوری لعنت منـه
*******
گه منـه ملعون وز گه شرور
عکسیمـی گه شل چکیسوز گاهی کور
گاهی گورورسوز یوخودا مثل حور
هیچ یـاراشور گور بو شباهت منـه
آخ نیـه خلق ایلوری لعنت منـه
*******
تاپ او کریمـینی سحر ای پسر
سویله بوگفتاری اونا سر بسر
منع ایله سین خلقی او نیکو سیر
ایلمسون لعن جماعت منـه
آخ نیـه خلق ایلوری لعنت منـه
*******
بعضی صفت لر گورورم آشکار
هیچ بیری منده یوخیدی سیزده وار
قانمامـیسوز غیرت و ناموس و عار
پیس پیس ایدیر سوز هله لعنت منـه
آخ نیـه خلق ایلوری لعنت منـه
******
اوصاف مراغه
خوشامراغه و گلگشت باغ وبستانش خوشا نسیم دل انگیز صبحگاهانش
خطا بود کـه تفرج کنان بـه باغ شوی شبیـه مـی نکنی گر بباغ رضوانش
چه دلفریب بود درون اوایل خرداد صفای دامن صحرا وکوهسارانش
طراوتی بچمن داده ابر اشک بهار خوش هست طرف چمن بعد اب نیسانش
بچم عقل نگر لطف رود صافی را بآب رود ببین حسن نو بهارانش
سهند خرم وسبزش عسل ببار ارد بطیر خواسته زنبور کان بدامنش
حشم زحد شده برون و لبن بحد وفور برون ز وصف بود مـیوه فراوانش
نگر ببرج هلاگو و گردش دوران بـه اقتضای زمان شد بـه بیخ بنیـانش
ببرج سرخ و سفیدوکبود حکمتهاست بخاک گشت مبدل کبود و ایوانش
کریم بیک ببرجی کـه ساخت بهره ندید کنون نموده طبیعت بخاک یکسانش
برو بسوی رصد خانـه بین تو قدرت علم نظاره کن سوی غاری کـه نیست پایـانش
مراغه منبع علم هست ودانش و تقوی بـه این دلیل بود خواجه و دبستانش
بدامنش شده پرورده عارفان بسیـار چو اوحدی کـه بود طایر غزلخوانش
بهر کجا کـه شود مرغ نغمـه خوان بنواست چو ذاکر هست وکریمـی هزار دستانش
بهار امده شاهد شتاب برجوی ببین گذشت زمان را بجویبارانش
وصف مراغه
گل گور گوزلیم باغ گلستاندی مراغه بیر پارچا صفا روضه رضواندی مراغه
دلچسبدی صافی چاینون ذوق و صفاسی چوخ گورملدی باغلارنون آب و هواسی
شیرین هولوسی .آلماسی .آمرودی.گیلاسی ذوق اهلینـه بیر گزملی بستاندی مراغه
هر تکیـه ده بر پادی ابوالفضلین عزاسی عاشقدی حسین آدینـه قرباندی مراغه
وار بوردا کریمـی کیمـی نطاق سخنور فعلا اونون اشعارینـه خواهاندی مراغه
رمضان گلدی
گینـه گلدی رمضان هامـی مسلمان اولاجاق
دین اسلام اوجالوب خلق نماز خوان اولاجاق
گله جق غیرتده فاسق، اولاجاق اهل تمـیز
ایتدیقی معصیته جمـــــــله پشیمــان اولاجا ق
بیر محرمده چخوب شاهقلی بو مسجد دن
بیر ده بو آیده گلــــوب داخـل ایوان اولاجا ق
روزه سین مـیل ایلینلر چیخاجاقلار سفـره
ایله بیر هاموسی زوار خـــراسان اولاجا ق
او آداملار کـه ایدوب مـیلته چوخ جور وستم
هاموسی بیر گئجه ده قاری قرآن اولاجا ق
هیچ گناه اولماسا بسدور بیزه بو صوم وصلاه
قبر ایچینده بیزه او حائیل سوزان اولاجاق
سرعین
مرضی دردی بدندن بدر ایلر سرعین
سنی بیر عمرگوزل بختور ایلر سرعین
ایلده بیر دفعه گلوب چیم گوزلیم بو سولارا
نظر ایله بو گلستاندا گزن آهو لارا
حُسنیده حوری غلمان چاتا بیلمز بو لارا
سنی عمرونده مبارک نظر ایلر سرعین
سرعین ذوق صفا سیروسیـاحت یردی
خوش پذیرالیق ایلر خلقه ضیـافت یردی
گزملی سویملی تفریح وظرافت یردی
غموی غصه وی دلدن بدر ایلر سرعین
سرعین گُللر آچوب رنگ بـه رنگ ایگلمـه لی
دسته دسته بالا جیرانلاری وار ایستمـه لی
سوبای السون سنی خونین جگر ایلر سرعین
هر نـه شدٌ تلی مرض وار سرعین ایلر علاج
اودی کی ای بالا بازاری تاپوب بیله رواج
بیر تومن مرحمت ایت عکسوی سالسین فتوراج
سنی بیر عکسیله خوش مفتخر ایلر سرعین
(ساری سو)راحت ایدیر جمله مرضدن بدنی
(قره سو) بیل قره گوندن ایدر آسوده سنی
(ژنرال)آی بالا مرمر تک آغاردار قره نی
دوش (گامشلار گولونـه)گور نـه لر ایلر سرعین
چیمـه سن (بش باجیلاردا)گوره سن لذّتینی
توکه سن (قهوه سویوندا)جانوین زحمتینی
گیت(پهینلی سویـا) چکمـه حکیمون منّتینی
پینییسلیندن سنـه آرتوق اثر ایلر سرعین
(بیله دره)سویون ایچ معدوه درماندی او سو
اونا چاتماز کوکا کولا کاندا پپسی اسو
خور گون سندیری آبگوشت ییـه سن آلتی طوسو
بله فکر ایلمـه خرجون هدر ایلر سرعین
ای کریمـی بالا سن اُت سرعیندن نظرون
سنـه یوخ فایده سی پهلوینون رامسرون
گیت چورک فکرینـه دوش یوخدی خبردن خبرون
کاسبا پولسوزا یولداش ضرر ایلر سرعین
ریـاست مـیزی
ایندیـه‌تک بیله بیلوردم خانم
هرزه و هزیـاندی ریـاست مـیزی
ایندی اوتوردوم گورورم آی جانم
تخت سلیمان‌دی ریـاست مـیزی
آخ نئجه راحت نئجه اگلشملی
هر نئجه یورقون اوتوسا دینجلی
چوخ یوموشاق سلقلی کیف سورملی
لایق سلطان‌دی ریـاست مـیزی
تخت سلیمان‌دی ریـاست مـیزی
مـیز نئجه مـیز اگلشنی جست ایدیر
رند و خرابات و قوی دست ایدیر
بی مـی و مـینا آدامـی مست ایدیر
رتبه‌ی شایـان‌دی ریـاست مـیزی
تخت سلیمان‌دی ریـاست مـیزی
باخما کیچیک گورسنوری ظاهری
تک بیر آدامدان چوخا یوخدور یری
قوی الیوی آننوا باخ بیر چری
بیر یکه مـیدان‌دی ریـاست مـیزی
تخت سلیمان‌دی ریـاست مـیزی
مـیز نئجه مـیز نشعه‌ی ممتازی وار
موشک و جت تک گویـه پروازی وار
باشدان آلور هوشی عجب گازی وار
محفل رندان‌دی ریـاست مـیزی
تخت سلیمان‌دی ریـاست مـیزی
ایلمـه غم فخرایله شیش آی ماتان
من رئیس اولدوم کفیمـه یوخ چاتان
صدر نشینم دگولم شارلاتان
دردیمـه درماندی ریـاست مـیزی
تخت سلیمان‌دی ریـاست مـیزی
واردی عجب معجزه‌سی بو مـیزین
کور ایدیر اوّل‌ده جلیسین گوزین
نـه جلو ایستور نـه اوزنگی نـه زین
مـین‌ملی مادیـاند‌دی ریـاست مـیزی
تخت سلیمان‌دی ریـاست مـیزی
دورسا حضوریمده اگر یوز نفر
سایمارام ایشکدی بولار یـا بشر
یـا بیر اوطاق کتلی یـا بیر طویله خر
بیزلره یکساندی ریـاست مـیزی
تخت سلیمان‌دی ریـاست مـیزی
آخ نئجه مـیز وار نـه گوزل نقشـه‌سی
اَل قول آچانمور سویورام هری
اُلدویرورم هر کیمـی چخمور سسی
مسلخ انساندی ریـاست مـیزی
تخت سلیمان‌دی ریـاست مـیزی
سخت اولا قانون نئجه مثل دمـیر
من اونی الده ایده‌رم چون خمـیر
اولموشام ایندی ایله روشن ضمـیر
مکتب عرفاندی ریـاست مـیزی
تخت سلیمان‌دی ریـاست مـیزی
مـیز نئجه مـیز جنگده ارابه‌دی
دللری یـاندیرماقا خوش تابه‌دی
خون ضعیفان بیزه نوشابه‌دی
باشدان ایـاق قاندی ریـاست مـیزی
تخت سلیمان‌دی ریـاست مـیزی
مؤمن اولا گبر اولا اسلام اولا
یوخ منـه فرقی چاتارام قول قولا
دینی فدا ایلمـیشم من پولا
دینله دشماندی ریـاست مـیزی
تخت سلیمان‌دی ریـاست مـیزی
بو مثلی خوش دیدی احمد کوسا
ارمنی‌لیق یـاخشیدی کبلای موسا
لیک قیـامتده پوخی چخماسا
مسند شیطان‌دی ریـاست مـیزی
تخت سلیمان‌دی ریـاست مـیزی
عصر بیزیم عرصه‌ی مـیدان بیزیم
قصر بیزیم حوری و غلمان بیزیم
نفس بیزیم نعمت الوان بیزیم
معرض طغیـان‌دی ریـاست مـیزی
تخت سلیمان‌دی ریـاست مـیزی
ظالمـی مظلوم ایلسم ایلرم
حاکمـی محکوم ایلسم ایلرم
هری مسموم ایلسم ایلرم
مرکز بهتاندی ریـاست مـیزی
تخت سلیمان‌دی ریـاست مـیزی
دائم الیمده ایکی مثقال قلم
ایسته‌سم عالملری ووررام بـه هم
پولدی پول اُستن یـاغوری دم بـه دم
گورملی دکاندی ریـاست مـیزی
تخت سلیمان‌دی ریـاست مـیزی
ملتی مـین مـین سویورام دویمورام
دولته دوقوز قویورام دویمورام
گونده اوتوز رنگ بویورام دویمورام
حیله‌ی الواندی ریـاست مـیزی
تخت سلیمان‌دی ریـاست مـیزی
زال منم رستم دستان منم
گیو منم سام نریمان منم
اهرمنم خصم سلیمان منم
مسکن دیواندی ریـاست مـیزی
تخت سلیمان‌دی ریـاست مـیزی
دویمارام اصلاً بله سرمایـه‌دن
یوخدی سراغیم خبر و آیـه‌دن
سنماسین ای کاش بو مـیز پایـه‌دن
ثروت و ساماندی ریـاست مـیزی
تخت سلیمان‌دی ریـاست مـیزی
بس دی کریمـی سوزی قاتما سوزه
سورمـه آتون داشلقا قیتر دوزه
چکمـه داخی ملتی چوخدا اوزه
یـازمالی عنوان‌دی ریـاست مـیزی
تخت سلیمان‌دی ریـاست مـیزی
مـینی ژوب
نـه گوزل خوش یـاراشیرمش سنـه ای جان مـینی ژوب
حسنوه ویردی ترقی یوزه دوخسان مـینی ژوب
ایوون آباد اولا عالمده مُد ایجاد ایلین
صبریمـی طاقتمـی ایلدی تالان مـینی ژوب
نـه دوتور قول قیچی نـه یول یرینده یخوری
ایوون آباد ایلدون ایشلری آسان مـینی ژوب
پسته‌نین اوستی آچیلدی کیلوسی برمـی تومن
ایلدی آغ کلمـین قیمتین ارزان مـینی ژوب
گتور ای ساقی مـی نابله مست ایله منی
نازا قویما دورایـاقه سنـه قربان مـینی ژوب
گجه گوردوم یوخودا امر معاشیم دوزه‌لوب
آلمشام قوینوما بیر شوخ بالا جیران مـینی ژوب
اویـانوب گوردوم اولوب خطه‌ی بغداد خراب
دیدیم ای وای سنـه لعنت گله شیطان مـینی ژوب
بیزیم آروادداباخور قزلارا کم کم اویـانور
گینوب تازه بو بیمان قزی بیمان مـینی ژوب
گر چی ایجاد ایلیوبدور بو مدی خارجه‌لی
واقعاً جای تعجبدی مسلمان مـینی ژوب
آدی زهرا ننـه‌سی فاطمـه احمد آتاسی
اهل قرآنیدی بودلار قالوب عریـان مـینی ژوب
ننـه‌سی بیر قیزا ایلوردی نصیحت کی قیزیم
یوزی قویلی اگیلوب سِیچمـه بادمجان مـینی ژوب
چوخ گوزتله بو لباسین بالا امنیتی یوخ
سنی بیردن گوره‌سن ایتدی پشیمان مـینی ژوب
عمله گلسه متاعون داخی گلمز عمله
ایدور اوضاعوی بالمره پریشان مـینی ژوب
خیلی مشگلدی اوزین ساخلیـا ات گورسه پشیک
دوزه بیلمز گوره پول‌سوز سوبای اوغلان مـینی ژوب
قویروغا مشتری یوخ قصابین احوالنـه باخ
اوزماندان کی اولوب بیله فراوان مـینی ژوب
نـه قدر مد گوروسن خارجه سوغاتیدی لیک
بولارین جمله‌سی تک بیریـانا بیریـان مـینی ژوب
اللرون وار اولا خیـاطه خانم اُلمـیه‌سن
همـی دالدان یـاراشیر همده قباقدان مـینی ژوب
هوسون اولسا گیداخ انزلی‌یـه رامسره
لب دریـاده ایدر گور نجه طوفان مـینی ژوب
کیم خدایـا گوره‌سن آچدی بو خلقین یوزینی
نـه حیـا قویدی نـه ناموس نـه وجدان مـینی ژوب
آدین اسلام قویـان خارجه تقلید ایلمز
پوزوب اسلامـی نـه دین قویدی نـه ایمان مـینی ژوب
یل اسنده گیدیری فوری گوبکدن یوخاری
گزلین اسراری ایدیر ملته اعلان مـینی ژوب
دین و ملت اشاقا گیتدی اتکلر یوخاری
تا گوراخ هاردا ویرر سئرینـه پایـان مـینی ژوب
اقتصاد اهلیدی ایرانلار اسراف ایلمز
همـی کم خرجیدی هم مفته هم ارزان مـینی ژوب
حیف اولا بو قوجالار مدلاری رسوا ایلدی
قورومش بود قره ایرگنملی باخ یـان مـینی ژوب
بیزیم ایشکده بیر آز قوشقونا تغییر ویروب
دالی یـانمش بودا ایستور اولا حیوان مـینی ژوب
خردالوب خردالوب آخر تومان اولدی پاچا بند
قسالوب قسالوب ایتدی دونی دوران مـینی ژوب
ای کریمـی مدووی سنده دگیش اول ژیگولی
شعر و شاعر مـینی ژوب دفتر دیوان مـینی ژوب
ویرون رای منـه
ایـها الناس ویرون همتلن رای منـه
منی وادارایلیون شرکت ایدوم انجمنـه
شاعرم شعریله هر مطلبی تحریر ایده‌رم
قاری‌یم آیـه‌نی اوز شائنیمـه تفسیر ایده‌رم
سیل یخان ایولری بیر هفته‌ده تعمـیر ایده‌رم
لادیمز حکمـیمـه مستاجر اولا یـا سکنـه
ایـها الناس ویرون رای منـه
قویمارام شـهریده بیر ذره اثری
گرک آسفالت اولونا شـهریمـیزین کوچه‌لری
گوره‌سوز اوندا کـه آیـا سوزیمون وارری
من فقط ماهه باش اگسم اگرم انجمـه‌نـه
ایـها الناس ویرون رای منـه
قویمارام شـهریمـیزین بودجه‌سی گیتسون هدره
قویمارام ظلم اولا بیر مو قدری بیر نفره
ییرم شام نـهارا یـاغ دوگی صبحانـه کره
اوزه‌رم باشنی هر کیم سولسه هل پسنـه
ایـها الناس ویرون رای منـه
ایشی ترتیبه سالوم شـهره ویروم نظم و نظام
مد امروزیله تعمـیر اولا مسجدله
ناقصاتی ایلیوم بیر ایلین عرضینده تمام
هامـی بیر دفعه دیسون احسن او رای حسنـه
ایـها الناس ویرون رای منـه
نیـه گورکان آلا قبرین بیرینـه اللی تومن
نیـه دینمور بو جماعت ایشـه یوخ بیر یتیشن
بله اولسا قوجا دنیـانی دوتار اولماز الن
اُلی گر اوز باشنا اولسا تریخلار کفنـه
ایـها الناس ویرون رای منـه
نـه روا شایع اولا شـهریده و زنا
دولدورا تکیـه و مسجدلری تذویر و ریـا
قویمارام رایج اولا بیر بله تنزیل و ربا
خلق ایچینده گنـه مرسوم اولی قرض‌الحسنـه
ایـها الناس ویرون رای منـه
چوره‌گی مـیوه‌نی بازاردا فراوان ایده‌رم
هویجین آغ کلمـین قیمتین ارزان ایده‌رم
اتی قصاب باها ساتسا اونی تاوان ایده‌رم
باسارام ایگنـه‌یین‌لر قوسار آتدان تبنـه
ایـها الناس ویرون رای منـه
شاعرم منده قویون صنف رجاله قوشولوم
کارت و پارت و پلوویله پولوم اولسون خوش اولوم
سوخولوم باند ریـاستلره غمدن قوتولوم
نولی بش گون قویـاسوز سرور اولام مرد و زنـه
ایـها الناس ویرون رای منـه
قویمارام کتلیـه آشپز قوخوموش کفته ویره
بیری اصنافی سویوب ن آلا سفته ویره
اوغلانا شوخ مـه‌مـه قزلار اُپوشی مفته ویره
بوسه‌نین هر جوتی قاخسون گرک آتمـیش تومنـه
ایـها الناس ویرون رای منـه
منی شـهر اهلی تانور من بو ایشین ماهری‌یم
رئسا تک تکی موسا اولا من سامری‌یم
نابلد کی دگولم شـهریویزین شاعری‌یم
یوخ خیـانت نظریم دولته دینـه وطنـه
ایـها الناس ویرون رای منـه
سویرم منده چاتام منصبه آدیم یکله
یـاغلی مجانی پلولارییـه قارنیم دیکله
ساری رنگیم دورولا بو تیشی قیشلارکوکله
یـاخشیلیق دوره سیدی سن منـه یـان منده سنـه
ایـها الناس ویرون رای منـه
من اگر رای آپارام خوش سیزون احوالیزه
مرحبا طالعوزه شانسوزا اقبالویزا
جد و جهدیله یتورم سیزی آمالویزه
دده سوز سیز منـه عورتلریویز مثل ننـه
ایـها الناس ویرون رای منـه
حاضرم هر ایشوز اولسا دیمـیون دال چاتارام
بله فکر ایلمـیون سیزلری گوزدن آتارام
یری گورمز گوزوم اوندا باشیمـی دوز دوتارام
دیمرم گیچدی سودان ایشکیم ایندی منـه نـه
ایـها الناس ویرون رای منـه
گله لازمدی دا سو پولی بش قرانا
تا گیده سطح نظافت یوخاری خلق اویـانا
شـهر حسرت قالا قیللی ... کیرلی دابانا
یـاسمن گونده ورا شانـه او زلف سمنـه
ایـها الناس ویرون رای منـه
نولی بش گونده کریمـی اولا بیر جمعه آقا
داراشا بوغلی پشیک تک بالا قیماقه یـاغا
بولیسوز هر ایشیویزده دوشرم من قباقا
ملکم ایندی من اوندا دونرم اهریمنـه
ایـها الناس ویرون رای منـه
مریض و عزرائیلین مکالمـه سی
عزرائیل
منی مامور ایلیوب خالق سبحان حــاج آقا
قبض روح ایتماقا گلدیم سنی الان حـاج آقا
ویردی مستنطق رحلت منـه فرمان حـاج آقا
وقت قورتاردی نفس چکماقا قادر دگوسن
آلورام جانیوی سس چکماقا قادر دگسن
جواب مریض
آی علی آی ولی آی وای دورن اوغلان ایـاقا
کیمدی بو بی ادبانـه بیله گیردی اطاقا
بو صفتده بشر اولماز باشی بنزیر بالاقا
نـه سلام ایتدی نـه تعظیم عجب هیوره دی
چاتدادی باغریم اماندی بونـه بد منظره دی
عزرائیل
کیشی قشقیرما علی یـا ولی گورمزله منی
منـه مردم ملک الموت دیللر علنی
گلمـیشم من آپارام محضر معبوده سنی
داخی بوندان بویـانا بیره آمر دگوسن
وقت قورتاردی نفس چکماقا قادر دگوسن
مریض
منی عفو ایله داداش بیلمدیم عزرائیل سن
شکر لله سن اوزون بیر ملک کامل سن
خدمتون فرضیدی پیک ملک عادل سن
اوتی بیر چای گتورسونلر هله تعجیل ایلمـه
صبر هر ایشده گوزلدور بیله تعجیل ایلمـه
عزرائیل
کیشی اوخشاتما منی قونشووز عبدالکریمـه
من بو دنیـا سولارین ایچمرم افسانـه دیمـه
من طلبکار دگولم چوخ دیله توتما سریمـه
چوخ قالورسان هله بو دیللره ماهر دگوسن
وقت قورتاردی نفس چکماقا قادر دگوسن
مریض
سنـه بنزر بیری گلمـیشدی بیر آز بوندان ازل
چوخ خوش اخلاق صداقتلی نظافتلی گوزل
کیمـیمـیش او سنـه قربان اولوم ای پیک اجل؟
نـه دیوم عینا اونون باشی سنون باشیودی
بولمرم اوغـلویدی یـا بالا قارداشیویدی
عزرائیل
عمو دکتوردی او ، اوغلوم دگی ، یولداشدی منـه
قبض روح ایتماقا یولداش ندی قارداشدی منـه
خیلی ماهردی بو ایشده آتادان باشدی منـه
گوردوم اما سن اونا قوشمالی خاسر دگوسن
وقت قورتاردی نفس چکماقا قادر دگوسن
مریض
دوزدی مامور ایلیوبدور سنی خلاق کریم
بلکه سن سهو ایلیوبسن او دیـه ن من دگلم
هله مندن قوجلار وار نـه روادور من ئولم
گرچه زحمتدی قیت بیر سوروش اوندان صورا گل
آدیمـی شغلیمـی گیت بیر سوروش اوندان صورا گل
عزرائیل
کـیشی آغـریتدی منیم باشیمـی بو طول کلام
اللی مـیـن ایل جان آلان سهو ایلمز اولما عوام
عمـووی عمــه وی اجدادیوی بیر بیر تانیرام
سن مگر مصطفی خان اوغلی مظاهر دگیسن؟
وقـت قورتـاردی نفس چکماقا قادر دگوسن
مریض
من دیدیم اوغلومـی داماد ایدرم اتمـه مـیشم
مشـهـده کرب وبـلایـه گیدرم گیـتمـه مـیشم
تومنی بیر قـرانا ویـر مـاقی ترکیدممـیشم
هـــله آغـزیم منیم ایستور تازاجا آشـه یته
دگول انصاف بو تئز لقدا باشیم داشـه داشـه یته
هله اگلش من ئولوم هر نـه سورسن گتیسین
منقل حاضردی اگر نشئه چکر سن گتیسین
آبجپسی کولا کنیـاک ایچرسن گتیسین
مندن اوچ یوز تومن آل ویر منـه مـهلت ایکی ایل
باشا باش ایـلیوم آســوده عبـادت ایکی ایل
عزرائیل
کیشی سارساخلاما نشئه ندی تریـاک ندی
نمندی ایشک کیشی کنیـاک ندی
قانمـیوبسان هله مردار ندور پاک ندی
قانماسان چون ایله بیر فاسق فاجر دگوسن
وقت قورتاردی نفس چکماقا قادر دگوسن
من او مــامور اداره دگــولم رشـوه ییم
بش تومن پولدان اتور بیری بدبخت ایلیم
بله آســوده اوزانما عـمو مــن گتمـه لیم
ناقصون واردی مگر گیتماقا حاضر دگوسن
وقت قورتاردی نفس چکماقا قادر دگوسن
مریض
ناقصیم چوخدی عزیزیم اولا مــشگلدی تمام
سن گیدوب بنده دن عرض ایله خداونده سلام
اوزی انصاف ایلسون وار ایکی اوچ خردا بالام
هـــله من تازه جوانم ایله گون گورمـه مشم
دنیـادان دویمامشام بیر ایله کیف سورمـه مـیشم
عزرائیل
کیمدی ایشک کیشی غلمان ویره یـا حور سنـه
حـوری معروفه دگول کـه بـاش اگه هر گلنـه
سوخاجاق مالـک دوزخ گـتووه اودلی شنـه
غـرق سن معصیته طیب و طاهر دگوسن
وقت قورتاردی نفس چکماقا قادر دگوسن
مریض
دیمـه لی ماک دوزخده تیکـوب یولـوما
گور بو الله نچه مامور دوزوب صـاق صولوما
بیر نـفر اینجینده بولـمز منی منـت پولوما
پولونان مالک نیرانیده آرام ایدرم
گیدرم جنته حوریلریده رام ایدرم
عزرائیل
داخی بوندان صورا مالک دگیسن اوز پولووا
گـورسن اهـل عیـالون دوزلوب صاق صولوا
ییـه جاقلار ، ایچه جاقلار، سچاجاقلار یـالووا
بو ایوین دخلینـه یـاخرجینـه ناظر دگوسن
وقت قورتاردی نفس چکماقا قادر دگوسن
ایش اورا ایتدی ایو اهلی هاموسی آغلادیـلار
حاجینین دستمالینان گوزلرینی باغلادیــلار
بعضی قاچدی کفنـه بعضیسی سو داغلادیــلار
دست قدرت حاجینون تختینی تابوت ایلدی
ناز پـرور بدنین جانـوره قـوت ایـلدی
دعوا باشلاندی مال اوسته حاجینون وای حالنا
باجی قـارداشـه دیـور :ده ده ویــن سقالنا
کــوره کن گه یـالـنا سـچار گـهی یوپالینا
نچه گوندن صورا ارواد گیدوب اوزگه اره
بیر نفر گـلدی تصاحـب ایلدی سیم وزره
خوش اوشخصه اوزی اعمالینی اصلاح ایلیـه
ارجعی لفظین ایشید جک اوزی لبیک دیـه
خــلعت آخرتی اگـنینـه عــزتله گـیـه
روبر اولدی همان لحظه کـه عزرائیلیلن
گوله عزرائیلی گورجک آلا جانین گلیلن
******
منابع:
http://www.adalatohogog.blogfa.com
http://utanz.com
http://farabiauoob.mihanblog.com
: متن شعر ترکی مکده گوته
[متن شعر ترکی مکده گوته]
نویسنده و منبع | تاریخ انتشار: Fri, 20 Jul 2018 07:48:00 +0000